Скаро́дзінцы[1] (трансліт.: Skarodzincy, руск.: Скородинцы) — вёска ў Баранавіцкім раёне Брэсцкай вобласці. Уваходзіць у склад Палонкаўскага сельсавета. Размешчана за 32 км на захад ад Баранавіч, за 13 км ад чыгуначнай станцыі Міцкевічы на лініі Баранавічы—Ваўкавыск. Насельніцтва 26 жыхароў, 17 гаспадарак (2005).
У 1905 годзе ў Люшнеўскай воласці Слонімскага павета.
З 1921 года ў складзе Польшчы, у Моўчадскай гміне Слонімскага павета. З 1939 года ў БССР.
У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 2 вяскоўцы.
Да 1985 года ў складзе Перхавіцкага сельсавета[2].