Скапа́нія[1] (Scapania) — род пячоначных імхоў сямейства Скапаніевыя (Scapaniaceae).
Двухдомныя, часам аднадомныя лістасцябловыя расліны вышынёй да 10[1] см. Утвараюць дзярнінкі. Сцёблы імхоў разгалінаваныя, ляжачы або прыўзнятыя. Лісце шчыльна размешчана на сцябле, кілеватае, двухлопасцевае. Архегоніі знаходзяцца на верхавінцы сцябла, антэрыдыі ў пазухах покрыўнага лісця. Каробачка прадаўгавата-круглаватая.
Род налічвае каля 50[1] відаў, пашыраных пераважна ў Паўночным паўшар’і. На тэрыторыі Беларусі 5 відаў: скапанія балаталюбная (Scapania paludicola), скапанія дуброўная (Scapania nemorea), скапанія заліўная (Scapania irrigua), скапанія кароткая (Scapania curta) і занесены ў Чырвоную кнігу Беларусі скапанія завостраная (Scapania apiculata)[1].
Растуць на вільготнай глініста-пясчанай і тарфяной глебе.