wd wp Пошук: ⬜

Селенга

Селенга́[1] (бур. Сэлэнгэ мүрэн; манг.: Сэлэнгэ мөрөн) — рака ў Манголіі і Расіі (Бурація). Упадае ў возера Байкал, адносіцца да басейна Енісея.

Назва

Існуюць розныя версіі паходжання назвы ракі:

ад бурацкага кораня «сэл», які ў перакладзе азначае «разліў, возера»;
ад Тунгускага «sele» або «сэлэ», што як «жалеза», а сэлэнга — «жалезны».

Геаграфія

Даўжыня Селенгі (ад вытока ракі Ідэр) — 1024 км, пры гэтым 409 км ніжняга цячэння — па тэрыторыі Расіі. Плошча вадазборнага басейна — 447 тыс. км². Рака ўтвараецца зліццём рэк Ідэр і Дэлгэр-Мурэн, мае пераважна раўніннае аблічча з чаргаваннем звужэнняў (да 1—2 км) і катлавінападобных пашырэнняў даліны да 20—25 км, дзе яна часта дзеліцца на пратокі. Пры ўпадзенні ў Байкал утварае шырокую дэльту плошчай 680 км² (на яе прыпадае прыкладна 1/2 рачных вод, якія паступаюць у возера).

Асноўныя прытокі: Эгійн-Гол, Джыда, Архон, Хілок, Уда. У басейне ракі больш за 5549[2] азёр агульнай плошчай каля 616 км².

Зноскі

Літаратура

Селенга // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 306. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Селенга (руск.) — артыкул з Вялікай савецкай энцыклапедыі

Спасылкі

На Вікісховішчы ёсць медыяфайлы па тэме Селенга
Селенга (руск.) — інфармацыя пра аб’ект у Дзяржаўным водным рэестры РФ.
Иванов В. В. Селенга // Научно-популярная энциклопедия «Вода России» (руск.)