Бурація (руск.: Республика Бурятия; бур. Буряад Улас) — суб’ект Расійскай Федэрацыі, размешчаны ў паўднёва-заходняй частцы Усходняй Сібіры ў Забайкаллі, мяжуе з Іркуцкай і Чыцінскай абласцямі, Тывой і Манголіяй. Абмываецца возерам Байкал. Насельніцтва Бураціі — 969,1 тыс. чал. (2005). Шчыльнасць насельніцтва: 2,8 чал./км² (2005), удзельная вага гарадскога насельніцтва: 57,0 % (2005).
У 1703 г. Бурація па дагавору, падпісанаму Пятром I, увайшла ў склад Рускай дзяржавы. 30 мая 1923 была створана Бурат-Мангольская АССР у складзе РСФСР. У 1937 г. з складу Бураціі былі вылучаны Усць-Ардынская і Агінская Бурацкія аўтаномныя акругі. У 1958 г. ператвораная ў Бурацкую АССР. З 1992 Бурація — рэспубліка ў складзе Расійскай Федэрацыі.
Нацыянальны склад: рускія (67,8 %), бураты (27,8 %), немцы (1,16 %), украінцы (0,98 %), татары (0,83 %).
У Бураціі 6 гарадоў, 21 адміністрацыйны раён, 12 пасёлкаў гарадскога тыпу і 631 сельскі населены пункт: