Святапо́лк Мсцісла́віч[1] (?—1154) — князь уладзіміра-валынскі, сын Мсціслава Вялікага.
Сын кіеўскага князя Мсціслава Уладзіміравіча. З 1132 года княжыў у Полацку пасля брата Ізяслава, які перайшоў у Пераяслаў. Аднак палачане прагналі яго, заявіўшы «лншается нас», і абралі князем Васільку Святаславіча. З 1138 года пасля смерці старэйшага брата Усевалада Святаполк Мсціславіч княжыў у Пскове. У 1140 годзе атрымаў ад кіеўскага князя Усевалада Ольгавіча Берасце, а ў 1142 годзе перайшоў княжыць у Ноўгарад. У 1148 годзе атрымаў ад кіеўскага князя Ізяслава Мсціславіча Уладзіміра-Валынскае княства, якім валодаў да смерці.