Сарыкамы́шская катлавіна[1], Сарыкамышская ўпадзіна[1] (туркм.: Sarygamyş çöketligi, узб.: Sariqamish botig`i) — упадзіна на поўначы Туркменістана, з’яўляецца паўночнай мяжой пустыні Каракумы.
Даўжыня ўпадзіны каля 150 км, шырыня каля 90 км. Абсалютная вышыня адносна ўзроўню сусветнага акіяна — мінус 38 метраў. Уяўляе сабой плоскую чару авальнай формы, пакрытую саланчакамі і перавеяннымі пяскамі. У цэнтральнай частцы размяшчаецца Сарыкамышскае возера. У напрамку на поўдзень ад катлавіны знаходзіцца самая глыбокая ў Туркменістане бяссцёкавая ўпадзіна Акчакая.