У гэтага паняцця ёсць і іншыя значэнні, гл. Самбар (значэнні). Са́мбар (укр.: Са́мбір польск.: Sambor) — горад абласнога значэння ў Львоўскай вобласці Украіны, цэнтр Самбарскага раёна, не ўваходзіць у яго склад. Размешчаны на левым беразе ракі Днестр. Адлегласць да Львова па чыгунцы— 78 км, па аўтадарогах — 79 км.
Першае летапісная згадка пра горад адносіцца да 1241 годзе. Пералічаны ў летапісным «Спісе рускіх гарадоў далёкіх і блізкіх» (канец XIV стагоддзя). Цяперашні горад Самбар заснаваны на новым месцы пасля эпідэміі чумы ў 1542 годзе. У выніку ўзніклі два гарады Самбар (першы з іх у наступным атрымаў назву Стары Самбар — ён знаходзіцца вышэй па цячэнні ракі Днестр).
У 1604 годзе ў замку ваяводы Ежы Мнішка жыў Рыгор Атрэп’еў, вядомы як Лжэдзмітрый I, які выдаваў сябе за сына цара Івана IV Грознага.
У 1855 годзе пачалося будаўніцтва шашэйнай дарогі, якая звязала Самбар і Драгобыч. У канцы 1872 года горад быў звязаны чыгуначнай лініяй з Барыславам[2].
Паводлое вынікаў усеўкраінскага перапісу насельніцтва 2001 года ў горадзе пражывала 36,2 тысяч чалавек (92,6 % у адносінах да перапісу 1989 года), з іх рускіх — 0,9 тысяч чалавек (2,5 % ад усяго насельніцтва) і палякаў — 1,2 тысяч чалавек (3,3 %)[3].
касцёл Яна Хрысціцеля (1530—1568)
паляўнічы дом XVI ст.
касцёл бернардзінцаў XVII ст. (з дзеючым арганам)
кляштар брыгітак XVII ст.
царква Ражства Найсвяцейшай Багародзіцы XVIII ст.
гарадская ратуша XVII—XIX ст.
будынак былога казначэйства пачатку XX стагоддзя.
будынак былога павятовага суда пачатку XX стагоддзя