Рэ́шыца[2] (рум.: Reşiţa, ням.: Reschitz, венг.: Resicabánya, сербск.: Решица, чэшск.: Rešice) — горад у заходняй Румыніі, адміністрацыйны цэнтр жудзеца Караш-Северын. Буйны прамысловы цэнтр і транспартны вузел. Рэшыца разглядаецца як другі найбуйнейшы прамысловы цэнтр Румыніі.
Рэшыца з’яўляецца важным цэнтрам аўтамабілебудавання і вытворчасці сталі. У горадзе развіта цяжкае машынабудаванне (абсталяванне для электраэнергетыкі, нафтавай, металургічнай, металаапрацоўчай прамысловасці), хімічная, харчовая прамысловасць, вытворчасць будаўнічых матэрыялаў.
Грамадскі транспарт у горадзе прадстаўлены 2 трамвайнымі і 5 аўтобуснымі маршрутамі, кіраванымі кампаніяй Prescom.