Гэта артыкул пра суб’ект Расійскай Федэрацыі, магчыма, вы шукалі артыкул пра Крымскі паўвостраў або іншыя значэнні. пра адміністрацыйную адзінку ў складзе Украіны гл. Аўтаномная Рэспубліка Крым.
Рэспубліка Крым (руск.: Республика Крым, укр.: Республіка Крим, крымскатат.: Къырым Джумхуриети, Qırım Cumhuriyeti) — суб’ект Расійскай Федэрацыі[4], уваходзіць у склад Паўднёвай федэральнай акругі, утвораны 18 сакавіка 2014 г. Займае большую частку Крымскага паўвострава.
Рэспубліка Крым была абвешчаная 17 сакавіка 2014 года[5] на тэрыторыі Аўтаномнай Рэспублікі Крым і горада Севастопаля, якія ўваходзілі ў склад Украіны. Самастойнасць Рэспублікі Крым была прызнана толькі Расійскай Федэрацыяй[6][7]. Абвяшчэнне незалежнасці падтрымана часткова прызнанымі Рэспублікай Абхазія[8] і Рэспублікай Паўднёвая Асеція[9].
18 сакавіка 2014 Рэспубліка Крым прынята ў склад Расіі, пры гэтым горад Севастопаль стаў асобным суб’ектам РФ. Міжнародная супольнасць не прызнала ўключэнне Крыма ў склад Расіі і лічыць яго анексіяй часткі тэрыторыі Украіны.