wd wp Пошук:
    ⬜

    Рэзалюцыя Генеральнай Асамблеі ААН 68/262

    Генеральная Асамблея ААН
    Рэзалюцыя 68/262
    Дата: 27 сакавіка 2014 года
    Паседжанне №: 80
    Код: A/RES/68/262 (Дакумент)
    Галасаванне: За: 100 Устр.: 58 Супраць: 11
    Тэма: Тэрытарыяльная цэласнасць Украіны
    Вынік: Прынята
    Карта галасавання па рэзалюцыі:
         За      Супраць      Устрымаліся      Адсутнічалі      Крым

    Рэзалюцыя Генеральнай Асамблеі ААН A/RES/68/262 прынятая 27 сакавіка 2014 года праз адкрытае галасаванне на 80-м пленарным пасяджэнні 68-й сесіі генеральнай асамблеі ААН. 68-я сесія ГА ААН была скліканая адмыслова для разгляду пытання пра анексію Расіяй часткі тэрыторыі Украіны (Аўтаномная Рэспубліка Крым і горад Севастопаль).

    Дакумент пад назвай «Тэрытарыяльная цэласнасць Украіны» быў прыняты, як рэакцыя ААН на анексію Расіяй часткі тэрыторыі Украіны (Аўтаномная Рэспубліка Крым і горад Севастопаль). Рэзалюцыя пацвердзіла абавязацельствы ГА ААН датычна тэрытарыяльнай цэласнасці Украіны ў яе міжнародна прызнаных межах і падкрэсліла несапраўднасць крымскага рэферэндуму (2014).

    За дакумент прагаласавалі 100 дзяржаў-членаў ААН. 11 краін прагаласавалі супраць гэтай рэзалюцыі. Прадстаўнікі 58 дзяржаў-членаў ААН устрымаліся, а 24 дзяржавы не бралі ўдзелу ў галасаванні з-за адсутнасці іх прадстаўнікоў на 68-й сесіі ГА ААН.

    Рэзалюцыю ініцыявалі 6 краін: Канада, Коста-Рыка, Германія, Літва, Польшча і Украіна[1]. Прыняццю рэзалюцыі папярэднічалі беспаспяховыя спробы Рады бяспекі ААН (сем сесій) знайсці рашэнне па пытанні крымскага крызісу. Вынікам гэтых намаганняў стала толькі вета з боку Расіі[2].

    Спасылкі

    Гл. таксама

    Зноскі

    1. ↑ UN General Assembly adopts resolution affirming Ukraine’s territorial integrity(нявызн.). Xinhua (28 сакавіка 2014). Праверана 30 March 2014. (en)
    2. ↑ Backing Ukraine’s territorial integrity, UN Assembly declares Crimea referendum invalid(нявызн.). UN (27 сакавіка 2014). Праверана 30 March 2014. (en)
    Тэмы гэтай старонкі (4):
    Катэгорыя·2014 год у палітыцы
    Катэгорыя·Анексія Крыма Расіяй
    Катэгорыя·Старонкі з няправільным сінтаксісам спасылак на крыніцы
    Катэгорыя·Рэзалюцыі Генеральнай Асамблеі ААН