У Вікіпедыі ёсць артыкулы пра іншых асоб з прозвішчам Смольскі.
Рычард Баляслававіч Смольскі (3 красавіка 1946, Ліда) — беларускі тэатразнавец, педагог. Доктар мастацтвазнаўства (1991), прафесар (1999).
Скончыў Беларускі тэатральна-мастацкі інстытут (1970). Працаваў на кінастудыі «Беларусьфільм», з 1976 года ў Інстытуце мастацтвазнаўства, этнаграфіі і фальклору імя Кандрата Крапівы НАН Беларусі. З 1997 па 2010 гады — рэктар Беларускай дзяржаўнай акадэміі мастацтваў.
Член Беларускага саюза тэатральных дзеячаў з 1977 года, член Беларускага саюза літаратурна-мастацкіх крытыкаў з 1997 года.
Даследуе праблемы рэжысуры, акцёрскай творчасці, сцэнічнай героікі, рускай тэатральнай культуры на Беларусі. Аўтар шэрагу кніг, п’ес і сцэнарыяў дакументальных фільмаў.