У Вікіпедыі ёсць артыкулы пра іншых асоб з прозвішчам Брук.
Руперт Брук (англ.: Rupert Brooke; 3 жніўня 1887 — 23 красавіка 1915) — англійскі паэт.
Вучыўся ў King’s College у Кембрыджы. Падчас вучобы цікавіўся беларускім фальклорам. У 1912 г. напісаў п’есу «Літва», падзеі якой адбываюцца ў сялянскай хаце каля Магілёва. Гэта быў адзін з першых англійскіх твораў, прысвечаных беларускай тэматыцы. У 1916 г. п’еса была ўпершыню пастаўленая на сцэне ў Чыкага.
Стаў вядомы ідэалістычнымі ваеннымі санетамі часоў Першай сусветнай вайны, хоць сам не паспеў паўдзельнічаць у ніводнай бітве. Памёр на шляху на бітву пры Галіполі ад запалення крыві ў Эгейскім моры. Пахаваны на в. Скірас.