У гэтага паняцця ёсць і іншыя значэнні, гл. Рамель (значэнні). Румя[1] (польск.: Rumia, кашубск.: Rëmiô, ням.: Rahmel — Рамель) — горад на поўначы Польшчы, размешчаны за 30 км на захад ад Гданьска і за 380 км ад Варшавы, частка агламерацыі Труймяста. Уваходзіць у склад Вэйхероўскага павета Паморскага ваяводства, утварае гарадскую гміну, гэта самы вялікі па колькасці насельніцтва горад у Польшчы, які не з’яўляецца цэнтрам павета. Займае плошчу 30,09 км², насельніцтва 48,5 тыс. чалавек (на 2019).