Руза́еўскі раён (руск.: Рузаевский район, эрз.: Рузайбуе, макш.: Орозаень аймак) — адміністрацыйна-тэрытарыяльная адзінка на поўдні Мардовіі ў Расіі. Адміністрацыйным цэнтрам з’яўляецца горад Рузаеўка.
Рузаеўскі раён мяжуе з Качкураўскім, Інсарскім, Кадошкінскім, Старашайгаўскім і Лямбірскім раёнамі. На ўсход ад раёна размяшчаецца сталіца рэспублікі горад Саранск. На поўдні мяжуе з Пензенскай вобласцю. Плошча раёна складае 1118,25 км².
Рузаеўскі раён быў утвораны 16 ліпеня 1928 года ў адпаведнасці з пастановай УЦВК.
Насельніцтва раёна станам на 2017 год складала 64 435 чалавек, што робіць яго самым населеным раёнам Мардовіі.