Ружакветныя (лац.: Rosáles) — парадак двухдольных раслін, які ўключае дзевяць сямействаў, самым тыповым з якіх з’яўляецца сямейства Ружавыя (Rosaceae).
У гістарычнай літаратуры сучаснаму парадку Rosales адпавядае таксон Rosiflorae, які выйшаў з ужывання. У залежнасці ад аўтара, гэты таксон або падзяляўся на тры сямействы (ружавых (Rosaceae), міндальных або слівавых (Amygdalaceae) і яблыневых (Pomaceae)), або ўсе гэтыя тры сямействы групаваліся ў сямейства ружавых.
Паводле генетычных даследаванняў, праведзеных групай APG, парадак Urticales (Крапівакветныя), які вылучаецца ў класіфікацыі Кронквіста, насамрэч з’яўляецца часткай Rosales. Акрамя таго, шматлікія сямействы, якія належалі па класіфікацыі Кронквіста да парадку Ружакветныя, цяпер перамешчаны ў іншыя парадкі. Сучасныя сямействы парадку Ружакветныя:
У ніжэйпрыведзеным спісе сямействаў, прылічаных да парадку Rosales паводле класіфікацыі Кронквіста, у дужках указаны сучасны парадак:
Bruniaceae (сямейства групы Euasterids II, канчаткова не размешчана)
Columelliaceae (сямейства групы Euasterids II, канчаткова не размешчана)
Crossosomataceae (сямейства групы Rosids, канчаткова не размешчана)
Davidsoniaceae (Cunoniaceae, Oxalidales)
Eucryphiaceae (Cunoniaceae, Oxalidales)
Greyiaceae (Melianthaceae, Geraniales)
Плады маліны
(Rubus idaeus)
Лісце канопляў
(Cannabis sativa)
Цвіценне крапівы двухдомнай
(Urtica dioica)
Плады і лісце Elaeagnus angustifolia
Інжыр
(Ficus carica)
Кветкі Colletia cruciata
Ліст вяза галандскага
(Ulmus hollandica)
Плады ружакветных сухія або сакавітыя, лістоўкі, каробачкі, арэшкі, касцяніцы, яблыкі. У фарміраванні плода ў шматлікіх родаў удзельнічае гіпантый, які складае аснову адаптыўнасці пладоў да розных агентаў распаўсюджання. Насенне без эндасперма.