Рачунская ГЭС — малая гідраэлектрастанцыя ў Гродзенскай вобласці Беларусі. Размешчана на рацэ Ашмянка (36 км ад вусця), за 13 км на паўночны захад ад горада Смаргонь, каля вёскі Рачуны.
Уведзена ў эксплуатацыю ў 1959 годзе. Перапыніла выпрацоўку электраэнергіі ў пачатку 1970-х гадоў (працавала да 1977 года[3]), і была закінута. Рэканструявана і зноў уведзена ў эксплуатацыю 5 лютага 2001 года. Вызначаная магутнасць 300 кВт. Гадавая выпрацоўка электраэнергіі прыкладна 1,5 млн кВт·г. Рачунскае вадасховішча выкарыстоўваецца таксама ў мэтах рыбагадоўлі.
Рэканструкцыя пачалася ў 1999, былі адрамантаваныя турбіны і накіроўючыя апараты, цалкам разабрана абсталяванне і заменены з’амартызаваныя часткі. Усталяваныя новыя генератары. Работы выконвала НВТАА «Малая энергетыка» і «Гроднаэнерга». Уведзена ў эксплуатацыю 5 лютага 2001 года з вызначанай магутнасцю 200 кВт. У 2004 годзе дадаткова ўсталяваная турбіна вытворчасці «Прамысловы саюз-Энергія» тыпу ГЭУ-100 (вызначанай магутнасцю 100 кВт).
Плошча вадасховішча 1,5 км², найбольшая глыбіня 4,7 м.