Рагу́лькі[3] (Delphínium) — род травяністых раслін сямейства Казяльцовыя (Ranunculaceae).
Аднагадовыя і шматгадовыя травяністыя расліны вышынёй да 2 метраў і болей. Лісце чаргаванае. Кветкі буйныя, часцей за ўсё сіняга, блакітнага і фіялетавага колеру. Плод — лістоўка.
Налічвае каля 250 (каля 300[4]) відаў, пашыраных ва ўмераным поясе Паўночнага паўшар’я і ў гарах трапічнай Афрыкі.
Лекавыя, інсектыцыдныя і дэкаратыўныя расліны.
Від рагулькі высокія (Delphinium elatum) занесены ў Чырвоную кнігу Рэспублікі Беларусь і ахоўваецца ў Латвіі[5].