wd wp Пошук:
    ⬜

    Праваслаўная Царква Украіны

    Праваслаўная царква Украіны (укр.: Православна церква України) — аўтакефальная памесная праваслаўная Царква, якая заняла з 6 студзеня 2019 года 15-е месца ў дыптыху аўтакефальных памесных Цэркваў. Мае юрысдыкцыю выключна на тэрыторыі Украіны.

    Кіеўская мітраполія

    Гл. таксама: Кіеўская мітраполія

    Кананічныя тэрыторыі Усходніх Праваслаўных Цэркваў у 1683 годзе

    У 988 г. у выніку хрысціянізацыі Кіеўскай Русі Уладзімірам Святаславічам была ўтворана першая ўкраінская хрысціянская царква з цэнтрам у горадзе Кіеве пад назвай Кіеўская мітраполія Усяленскага патрыярхату Канстанцінопаля.[7] Пасля Берасцейскай уніі 1596 г. адбыўся раскол ва ўкраінскім хрысціянстве, якое падзялілася на праваслаўных і католікаў.

    У 1685 г. Маскоўскі патрыярхат пачаў далучэнне Кіеўскай мітраполіі Усяленскага патрыярхату, высвяціўшы ў Масковіі кіеўскага мітрапаліта Гедэона. У 1686 г. праз сімонію Усяленскі Патрыярх Дыянісій IV (пазней быў падвергнуты анафеме) выдаў Сінадальны ліст, у якім даваў права высвячаць Кіеўскага мітрапаліта Маскоўскаму Патрыярху ў парадку аскезы, абранай саборам духавенства і вернікамі яго дыяцэзіі . У абавязковым парадку мітрапаліт Кіеўскі павінен згадваць Усяленскага Патрыярха Канстанцінопальскага як свайго Першаіерарха на любой службе, абвяшчаючы і пацвярджаючы сваю кананічную залежнасць ад Царквы -Маці, але ні адна з гэтых умоў не была выканана. Кіеўская мітраполія фактычна стала адной са звычайных епархій Маскоўскага патрыярхату, калі Пётр Вялікі ў 1722 г. абраў Варлаама (Ванятовіча) у сане архіепіскапа, а не мітрапаліта. Свяшчэнны Сінод Усяленскага Патрыярхату ў працэсе прадастаўлення Аўтакефаліі Украінскай Царкве на пасяджэнні 11 кастрычніка 2018 г. адмяніў Сінадальны ліст 1686 г. з -за сімоніі і грубага яе парушэння.[8]

    Утварэнне царквы

    Утворана на Аб’яднаўчым саборы 15 снежня 2018 года шляхам аб’яднання ўкраінскіх святароў некананічных праваслаўных юрысдыкцый (УПЦ КП і УАПЦ), а таксама асобных клірыкаў УПЦ МП.

    Паводле прынятага статуту, царкву ўзначальвае прадстаяцель з тытулам «Мітрапаліт Кіеўскі і ўсяе Украіны». З 15 снежня 2018 года на гэтай пасадзе — мітрапаліт Епіфаній (Думенка), былы мітрапаліт Пераяслаўскі і Белацаркоўскі УПЦ КП.

    16 снежня новаабраны прадстаяцель Праваслаўнай царквы Украіны мітрапаліт Епіфаній правёў першую літургію ў Міхайлаўскім саборы[9].

    Вызнанне ПЦУ сусветным праваслаўем

    Томас аб аўтакефаліі царквы быў ўручаны мітрапаліту Епіфанію ў Стамбуле 6 студзеня 2019 года асабіста Патрыярхам Канстанцінопальскім Варфаламеем[10].

    Томас аб аўтакефаліі царквы

    12 кастрычніка 2019 года епіскапы Грэчаскай праваслаўнай царквы канчаткова афіцыйна прызналі самастойнасць Праваслаўнай царквы Украіны падчас пасяджэння Святога Сінода пад старшынствам архіепіскапа Афінскага і ўсяе Грэцыі Ераніма[11].

    8 лістапада 2019 года Патрыярх Александрыйскі і ўсёй Афрыкі Феадор II падчас набажэнства ў Храме Архангелаў у Каіры пачаў памінаць імя Мітрапаліта Кіеўскага і ўсяе Украіны Епіфанія, чым распачаў еўхарыстычныя ўзаемаадносіны Александрыйскага патрыярхата з ПЦУ. Адначасова Галоўны Сакратарыят Патрыярхіі Александрыі і ўсёй Афрыкі распаўсюдзіў афіцыйнае паведамленне, якім спавясціў грамадскасць аб прызнанні Томаса Сусветнага Патрыярхату аб аўтакефаліі ПЦУ і ўключэнні імя яе прадстаяцеля ў дыптых для памінання[12].

    Навучальныя ўстановы

    Гл. таксама

    Зноскі

    1. ↑ TUT.BY: Патриарх Варфоломей подписал томос об автокефалии для новой украинской церкви Архівавана 5 студзеня 2019.
    2. ↑ Элладская православная церковь признала украинскую автокефалию(нявызн.). Deutsche Welle. Праверана 30 августа 2019.
    3. ↑ Українська правда: Один із найстаріших патріархатів світу визнав ПЦУ(нявызн.). Українська правда. Праверана 8 ноября 2019.
    4. ↑ (грэч.)
    5. ↑ (грэч.)
    6. ↑ РЕЛІГІЙНА САМОІДЕНТИФІКАЦІЯ НАСЕЛЕННЯ І СТАВЛЕННЯ ДО ОСНОВНИХ ЦЕРКОВ УКРАЇНИ: ЧЕРВЕНЬ 2021 РОКУ
    7. ↑ The subordination of the Metropolitanate of Kyiv to the Moscow church was carried out by Patriarch Dionysius without the consent and approval of the Holy and Holy Synod of the Great Church of Christ.
    8. ↑ DECISION OF THE SYNOD: THE UKRAINIAN CHURCH WILL RECEIVE A THOMOS. Full text(укр.) . Ukrainska Pravda. Праверана 31 жніўня 2019.
    9. ↑ svaboda.org
    10. ↑ TUT.BY: Патриарх Варфоломей подписал томос об автокефалии для новой украинской церкви Архівавана 5 студзеня 2019.
    11. ↑ Грецька церква визнала Православну церкву України
    12. ↑ Українська правда: Один із найстаріших патріархатів світу визнав ПЦУ(нявызн.). Українська правда. Праверана 8 ноября 2019.

    Спасылкі

    Тэмы гэтай старонкі (5):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Старонкі з няправільным сінтаксісам спасылак на крыніцы
    Катэгорыя·З’явіліся ў 2018 годзе
    Катэгорыя·Праваслаўная царква Украіны
    Катэгорыя·2018 год ва Украіне