Патача́нка, Габка — рака ў Докшыцкім раёне Віцебскай вобласці Беларусі, правы прыток ракі Сэрвач (басейн Віліі).
Даўжыня ракі 14 км[1]. Плошча вадазбору 72 км². Сярэдні нахіл воднай паверхні 1,7 м/км. Пачынаецца каля аграгарадка Валкалата, упадае ў Сэрвач за 1 км на поўнач ад вёскі Ясяноўцы Докшыцкага раёна. Рэчышча каналізаванае, прымае сцёк з меліярацыйных каналаў. У пойме знаходзіцца возера Станіслаўскае.