Падко́ссе[1] (трансліт.: Padkossie, руск.: Подкосье) — вёска ў Пухавіцкім раёне Мінскай вобласці. Уваходзіць у склад Пухавіцкага сельсавета.
Знаходзіцца за 14 кіламетраў на ўсход ад Мар’інай Горкі і чыгуначнай станцыі Пухавічы лініі Мінск-Асіповічы.
Назва паходзіць ад наймення мясцовасці, угодзевага ўрочышча, дзе заснавана пасяленне.
У пачатку 20 ст. пасяленне было вядома як ваколіца Пухавіцкай воласці Ігуменскага павета Мінскай губерні.
У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.
25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.
У жніўні 1919 — ліпені 1920 вёска знаходзілася пад польскай уладай.
На пачатку 1930-ых гг. створаны калгас “Ленінскі шлях”, працавала кузня.
Пад час Другой сусветнай вайны з канца чэрвеня 1941 г. да 2 ліпеня 1944 г. акупіравана нямецкімі войскамі.
Да 29 чэрвеня 2006 года вёска ўваходзіла ў склад Краснаакцябрскага сельсавета[2].