Норчэпінг
Норчэпінг (шведск.: Norrköping) — горад у Швецыі, прыкладна за 160 км на паўднёвы захад ад Стакгольма, у правінцыі Эстэргётланд і аднайменным лене, у якім паводле колькасці насельніцтва ён саступае толькі Лінчэпінгу, а таксама цэнтр камуны Норчэпінг. Насельніцтва — 87 247 чалавек (2010).
Гісторыя
Норчэпінг атрымаў гарадскія прывілеі ў 1384. Росквіт горада прыйшоўся на XVII стагоддзе, калі нідэрландскі (з сучаснай Бельгіі) прадпрымальнік Луіс дэ Геер заснаваў тут між іншым, папяровую фабрыку, некалькі фабрыкаў па вытворчасці зброі, вопраткі, а таксама майстэрню караблёў. У гэты час Норчэпінг быў другім паводле колькасці насельніцтва горадам Швецыі (цяпер толькі дзясяты). У 1719, у часе Вялікай Паўночнай вайны горад быў разбураны і разрабаваны расійскімі войскамі, аднак пасля вайны і да канца XIX стагоддзя, працягваў заставацца другім паводле значнасці горадам краіны. У тым самым 1719 годзе ў Норчэпінгу была заснавана найстарэйшая з існых дагэтуль у Швецыі газетаў Norrköpings tidningar. У XIX стагоддзі горад становіцца і значным цэнтрам вытворчасці тэкстылю, і толькі ў 1970-я гг. страчвае свае пазіцыі ў гэтым кірунку. У XXI стагоддзі Норчэпінг, разам з суседнім Лінчэпінгам утварае чацвёрты паводле колькасці насельніцтва і эканамічнай значнасці Рэгіён Вялікіх гарадоў Швецыі.
Транспарт
Норчэпінг, разам са Стакгольмам і Гётэбаргам з’яўляецца адным з трох гарадоў Швецыі, якія маюць свой трамвай.
Славутасці
- Ратуша (1907—1910 гг.)
- Царква Ядвігі (Hedvigkyrka, 1673, пабудавана на месцы былога замка)
- Царква Олафа (1765—1767)
- Парк Карла Юхана з помнікам гэтаму каралю і сусветнавядомай клумбай кактусаў (высаджваецца штогод у летні час)
- Музей працы
- Музей мастацтваў
- Музей петрогліфаў у раёне Гімельсталюнд
- Руіны замка Юханісбарг (1614, разбураны рускімі ў 1719)
Гарады-пабрацімы
Эслінген-на-Некары, Германія
Клаксвік, Фарэрскія астравы
Коўпавагур, Ісландыя
Лінц, Аўстрыя
Одэнсэ, Данія
Рыга, Латвія
Тамперэ, Фінляндыя
Тронхейм, Нарвегія
Вядомыя асобы
- Беата Розенхейн (1638—1674) — шведская баранэса і пісьменніца.
Зноскі
Спасылкі
На Вікісховішчы ёсць медыяфайлы па тэме Норчэпінг- Камуна Норчэпінг
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Норчэпінг
Катэгорыя·Населеныя пункты паводле алфавіта
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Населеныя пункты без паштовага індэкса
Катэгорыя·Гарады Швецыі
Катэгорыя·Артыкулы з дубліраванымі параметрамі шаблонаў
Катэгорыя·Нявызначаная краіна (тэлефонны код)