Не́спіш (трансліт.: Niespiš) — возера ў Браслаўскім раёне Віцебскай вобласці. У басейне ракі Друйка (цячэ праз возера), за 4 км на ўсход ад горада Браслаў, каля вёскі Рубеж. Належыць да групы Браслаўскіх азёр і знаходзіцца на тэрыторыі Нацыянальнага парка «Браслаўскія азёры».
Плошча паверхні возера 4,26 км². Найбольшая глыбіня 6,3 м. Даўжыня 4,13 км. Найбольшая шырыня 1,4 км. Даўжыня берагавой лініі 16,5 км. Аб′ём вады 13,8 млн. м³. Плошча вадазбору 781 (761[1]) км².
Катлавіна возера складанага тыпу, выцягнутая з паўночнага ўсходу на паўднёвы захад. Схілы катлавіны вышынёй 10—12 м, на паўночным-захадзе абразійныя. Берагі нізкія, пясчаныя, задзернаваныя. Берагавая лінія звілістая, утварае шмат заліваў і мысоў. Пойма шырынёй 5—10 м. Падводная частка катлавіны складаецца з 3 плёсаў. Дно да глыбіні 4,5 м выслана пясчанымі і апясчаненымі адкладамі, глыбей — сапрапелем. На возеры 15 астравоў агульнай плошчай 0,31 км² (Доўгі, Высокі, Манастыр і інш.). Уздоўж берагоў паласа надводнай расліннасці шырынёй да 160 м.
Возера эўтрофнае, праточнае. Упадаюць ручаі, працякае рака Друйка, злучаючая Неспіш з возерам Недрава. Пратокай злучана з возерам Войса.
У возеры водзяцца лешч, судак, шчупак, плотка і іншыя віды рыб.
На беразе возера знаходзяцца наступныя вёскі:
Па возеры праходзіць турысцкі маршрут.
Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.
Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
Государственный водный кадастр: Водные ресурсы, их использование и качество вод (за 2004 год). — Мн.: Министерство природных ресурсов и охраны окружающей среды, 2005. — 135 с.
Ресурсы поверхностных вод СССР. Описание рек и озёр и расчёты основных характеристик их режима. Т. Ч.
Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 10 000 экз.
Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 17, 46. — 72 с. — 10 000 экз. — ISBN 978-985-508-136-5.(руск.)