У Вікіпедыі ёсць артыкулы пра іншых асоб з прозвішчам Быкаў.
Міхаіл Сямёнавіч Быкаў (1922—1991) — падпалкоўнік Савецкай Арміі, удзельнік Вялікай Айчыннай вайны, Герой Савецкага Саюза (1946)[1].
Міхаіл Быкаў нарадзіўся 16 кастрычніка 1922 года ў горадзе Жлобіне (цяпер — Гомельская вобласць Беларусі) у рабочай сям’і. Скончыў дзевяць класаў школы № 6 горада Бабруйска, пасля чаго працаваў слесарам-мантажнікам на аўтабазе, адначасова вучыўся ў аэраклубе. У 1940 годзе быў прызваны на службу ў Рабоча-сялянскую Чырвоную Армію. У тым жа годзе Быкаў скончыў ваенную авіяцыйную школу пілотаў у Адэсе. З чэрвеня 1941 года — на Заходнім, Бранскім, 1-м і 4-м Украінскіх франтах Вялікай Айчыннай вайны[1]. Да красавіка 1945 года капітан Міхаіл Быкаў камандаваў эскадрылляй 571-га штурмавога авіяпалка 224-й штурмавой авіядывізіі 8-га штурмавога авіякорпуса 8-й паветранай арміі 4-га Украінскага фронту[2].
Да сярэдзіны красавіка 1945 года Быкаў здзейсніў 174 баявыя вылеты, падчас якіх здзейсніў штурмоўку і знішчыў 52 танкі, 40 артылерыйскіх гармат, 12 самалётаў на аэрадромах, 12 складоў з боепрыпасамі[2][1].
Указам Прэзідыума Вярхоўнага Савета СССР ад 15 мая 1946 года капітан Міхаіл Быкаў быў ганараваны высокага звання Героя Савецкага Саюза з уручэннем ордэна Леніна і медалю «Залатая Зорка»[2].
Пасля заканчэння войны Быкаў працягнуў службу ў Савецкай Арміі. У 1948 годзе ён прайшоў падрыхтоўку да палётаў у складаных метэаралагічных умовах, у 1952 годзе — скончыў Вышэйшыя лётна-тактычныя курсы. У 1954[1] годзе ў званні падпалкоўніка Быкаў быў звольнены ў запас. Пражываў у Бабруйску, працаваў інспектарам па кадрах мясцовага дарожна-будаўнічага кіравання[2]. Сканаў 30 красавіка 1991 года[3].
Быў таксама ўзнагароджаны трыма ордэнамі Чырвонага Сцяга, ордэнамі Аляксандра Неўскага, Айчыннай вайны 1-й і 2-й ступеняў, Чырвонай Зоркі, а таксама шэрагам медаляў[2].
Міхаіл Сямёнавіч Быкаў на сайце «Героі краіны»
Тэмы гэтай старонкі (21):