Мінскае яўрэйскае рэальнае вучылішча Э. М. Хайкіна — прыватная ўстанова, якая існавала ў 1907—1918 гадах у Мінску.
У 1907—1912 гадах размяшчалася ў доме № 3 па сучаснай вуліцы Валадарскага, затым у доме №27 па Магазіннай вуліцы.
Мела прыходскі і 7 асноўных класаў. Навучанне платнае. Вывучаліся: законы яўрэйскай веры, руская, нямецкая, французская мовы, гісторыя, геаграфія, прыродазнаўства, хімія, матэматыка, законазнаўства, чарчэнне, чыстапісанне, ваенная гімнастыка, спевы. У 1915 годзе вучылася 325 юнакоў. У 1915 годзе эвакуіравана ў Пензу. Закрыта ў 1918 годзе.