.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Мікала́й Максі́мавіч Мяшко́ў (11 мая 1922, Крычаў — 1999) — дзяржаўны дзеяч БССР, беларускі гісторык. Кандыдат гістарычных навук (1953), прафесар (1968). Член КПСС з 1944 г.
З 1940 г. у РСЧА. Удзельнік Другой сусветнай вайны. З 1942 года на грамадскай і партыйнай рабоце ў Таджыкскай ССР. З 1945 г. інструктар ЦК КП(б)Б. У 1949 годзе скончыў Беларускі дзяржаўны ўніверсітэт імя У. І. Леніна, у 1953 — Акадэмію грамадскіх навук пры ЦК КПСС. З 1953 г. намеснік дырэктара, дырэктар Інстытута гісторыі партыі пры ЦК КПБ, загадчык аддзела навукі, навучальных устаноў і школ ЦК КПБ, дырэктар Мінскай вышэйшай партыйнай школы пры ЦК КПБ.
У 1968—1988 гг. міністр вышэйшай і сярэдняй спецыяльнай адукацыі БССР. Член ЦК КПБ у 1960—1991 гг. Дэпутат Вярхоўнага Савета ў 1967—1990 гг.
Узнагароджаны 3 ордэнамі, медалямі.
Даследаваў гісторыю СССР і БССР, КПСС і Камуністычнай партыі Беларусі, пытанні вышэйшай адукацыі ў Беларусі.