wd wp Пошук: ⬜

Мікалай Гаўрылавіч Славянаў

Мікалай Гаўрылавіч Славя́наў (23 красавіка (5 мая) 1854 — 5 (17) кастрычніка 1897) — рускі інжынер-электратэхік, вынаходнік электрычнай дугавой зваркі металаў.

М. Г. Славянаў нарадзіўся ў сяле Нікольскае Задонскага павета Варонежскай губерні (зараз у Задонскім раёне Ліпецкай вобласці). У 1877 годзе скончыў Пецярбургскі горны інстытут. Працаваў на заводах Урала, з 1833 г. на Пермскіх гарматных дварах.

Упершыню выкарыстаў электрычны ток у мэтах прамысловага нагрэву. Удасканаліў вынайдзены М. М. Бенардосам спосаб дугавой зваркі. У 1888 г. распрацаваў метад дугавой зваркі плаўкім электродам з папярэднім падагрэвам вырабаў. У 1890—1891 гг. атрымаў патэнты на сваё вынаходніцтва ў Германіі, Францыі, Вялікабрытаніі, Бельгіі, Аўстра-Венгрыі. Таксама распрацаваў аўтаматычны рэгулятар даўжыні электрычнай дугі, прапанаваў выкарыстоўваць флюсы і ферасплавы-раскісляльнікі з мэтай павелічэння якасці зварных швоў і інш.

Аўтар працы па электразварцы — «Электрычная адліўка металаў» (1891).

Памяць

У гонар М. Г. Славянава названы вуліцы ў Ліпецку і Пярмі.
Помнік М. Г. Славянаву ў Пярмі
14 верасня 1988 г. у Пермі адчынены Дом-музей М. Г. Славянава[1]

Зноскі

↑ Дом-музей Николая Гавриловича Славянова Архівавана 29 студзеня 2014. (руск.)

Літаратура

Славянаў Мікалай Гаўрылавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 502. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Славянов Николай Гаврилович // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978.(руск.)

Спасылкі

Н. Г. Славянов. 150 лет со дня рождения (руск.)
Славянов Николай Гаврилович(недаступная спасылка) // Российский гуманитарный энциклопедический словарь: В 3 т. — М.: Гуманит. изд. центр ВЛАДОС: Филол. фак. С.-Петерб. гос. ун-та, 2002. (руск.)