У гэтага паняцця ёсць і іншыя значэнні, гл. Мозель (значэнні).
Мо́зель[1] (ням.: Mosel, фр.: Moselle, люкс.: Musel) — рака ў Францыі, Люксембургу і Германіі, левы прыток ракі Рэйн.
Даўжыня ракі складае 544 км. Плошча вадазбору 28 286 км². Выток ракі знаходзіцца на паўднёва-заходніх схілах Вагезаў. Большую частку працякае ў Рэйнскіх Сланцавых гарах. Упадае ў Рэйн у Кобленцы, утвараючы так званы Нямецкі Вугал (ням.: Deutsches Eck). Сярэдні расход вады ў ніжнім цячэнні складае 315 м³/с. Асноўны прыток — рака Саар (правы). Каналамі Мозель злучаецца з рэкамі Марна і Сона.
На рацэ гарады Нансі і Мец (Францыя), Трыр, Кобленц (Германія).