Меары́м[1] (парт.: Rio Mearim)— рака ў Паўднёвай Амерыцы, на паўночным усходзе Бразіліі, у штаце Мараньян.
Даўжыня ракі каля 800 км. Плошча вадазбору 84 000 км². Сярэдні расход вады каля 1200 м³/с. Пачынаецца ў паўночнай частцы Бразільскага пласкагор’я, працякае па Прыатлантычнай нізіне. Упадае ў бухту Сан-Маркус Атлантычнага акіяна, утвараючы агульны з ракой Піндарэ эстуарый. У верхнім і сярэднім цячэнні на рацэ маюцца парогі. Суднаходная ў ніжнім цячэнні.