Марыя Сяргееўна Бялінская (22 ліпеня 1906, г. Магілёў — 3 мая 1990[1]) — беларуская савецкая актрыса. Народная артыстка БССР (1953)[2].
Скончыла Беларускую драматычную студыю ў Маскве ў 1926 годзе. Працавала ў Беларускім тэатры імя Я. Коласа (у 1944 у складзе тэатральнай франтавой брыгады). У 1965-79 у Беларускім тэатры імя Я. Купалы[2].
Выканаўца роляў гераінь, затым — характарных. У сцэнічным мастацтве Бялінскай мяккі лірызм арганічна спалучаўся з узвышшам і драматызмам[2].
Сярод лепшых роляў: Марына («Вайна вайне» Я. Коласа), Таццяна Марыч («Над Бярозай-ракой» П. Глебкі), Глушачыха («Людзі на балоце» паводле І. Мележа), Поля, Шурка («Мяшчане(руск.) бел.», «Ягор Булычоў і іншыя(руск.) бел.» М. Горкага), Марыя Антонаўна («Рэвізор(руск.) бел.» М. Гогаля), Афелія(руск.) бел. («Гамлет» У. Шэкспіра), Марыя Аляксандраўна («Сям’я» І. Папова(руск.) бел.), Зіначка («Завея» Л. Лявонава(руск.) бел.)[2].
Здымалася ў эпізодах серыяла «Атланты і карыятыды(руск.) бел.» А. Гутковіча (1980) і фільма «Апошні хлеб» Б. Сцяпанава (1963)[3].
У шлюбе з тэатральным дзеячам Іосіфам Дорскім.