wd wp Пошук: ⬜

Марыяна Чаклінская

Марыяна Чаклі́нская (каля 1766, г. Паставы — ?) — беларуская і польская артыстка балета.

Біяграфія

Прыгонная падскарбія надворнага літоўскага А.Тызенгаўза. Вучылася ў яго балетных школах у Гродне і Паставах.

У 1778 годзе дэбютавала як фігурантка ў школьным спектаклі «Сялянскі балет» Г.Петынеці на сцэне Гродзенскага тэатра Тызенгаўза.

З 1785 года салістка балетнай трупы «Таварыства танцоўшчыкаў яго каралеўскай вялікасці» ў Варшаве, выступала на каралеўскіх сцэнах і ў «Тэатры нарадовым». Танцавала ў балеце «Лукас і Калінета» (1785) і іншых. Працавала да 1797 года.

Магчыма, была адпушчана на волю.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.
Марыяна Чаклінская // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2.