Лідыя Карсакуўна (польск.: Lidia Korsakówna, нар. 17 студзеня 1934, Баранавічы — 6 жніўня 2013, Канстанцін-Язёрна) — польская актрыса.
Яе бацька Канстанцін быў польскім князем, маці Марыя — рускаю. Напярэдадні Другой сусветнай вайны бацькі жылі ў Харкаве. У 5 год Лідыя пабачыла савецкую камэдыю «Цырк» з Любоўю Арловай і пастанавіла стаць актрысай. Яна наведвала балетную школу, вучылася граць на фартэп’яна, падлеткам уцякла з дома, каб патрапіць у опэру.
Пасля вайны з бацькамі жыла ў Валбжыху ў Польшчы.
Славу Карсакуўне прынёс фільм «Прыгоды ў Марыенштадце» (1954), дзе яна згуляла ролю Ганкі Ручаюўны, вясковай дзяўчыны якая прыехала з музычным ансамблям выступаць у адноўленую Варшаву і закахалася.
У 1950 гадах выступала ў Дзяржаўным ансамблі песні і танца «Мазоўша». У 1953—1954 гадах працавала ў Тэатры сатырыкаў ў Катавіцах, з 1955 года звязаная з трупай Тэатру Сырэна ў Варшаве. У 1987 годзе на пенсіі. 16 чэрвеня 2011 года Рада Варшавы надала актрысе званне Ганаровай грамадзянкі Варшавы[5].