«Лепельскі край» — раённая газета Лепельскага раёна Віцебскай вобласці. Выдаецца з 1930 года. Заснавальнікі: Лепельскі раённы выканаўчы камітэт і Лепельскі раённы Савет дэпутатаў.
Першы нумар газеты пад назвай «Калгасная праўда» выйшаў 21 лістапада 1930 года. Выхадзіла выданне адзін раз у дэкаду і ў 1930 годзе вышла пяць нумароў.
У 1935 годзе была ўтворана Лепельская пагранічная акруга, якая ўключала ў сябе чатыры раёны — Бягомльскі, Лепельскі, Чашніцкі і Ушацкі. На тэрыторыі акругі пражывала звыш за 250 тысяч чалавек. У выніку «Калгасная праўда» стала акруговай газетай і друкавалася амаль штодзённа.
У пачатку Вялікай Айчыннай вайны на нейкі час прыпыніўся выхад газеты. У красавіку 1942 года аднавіўся выпуск газеты і выйшла 48 нумароў за гады вайны. Пасля вайны рэдакцыя і друкарня знаходзіліся на вуліцы К. Маркса.
Восенню 1954 года яны перабраліся ў двухпавярховы будынак на вуліцы Ленінская, дзе і знаходзіцца рэдакцыя зараз.
У маі 1962 года газета пачала выходзіць пад новым загалоўкам «Ленінскі сцяг». Гэта адбылося пасля рашэння аб’яднаць два раёны — Лепельскі і Ушацкі.
У 1992 годзе газета змяніла назву на «Лепельскі край»[1].