Шарль Мары Рэнэ Леконт дэ Ліль (фр.: Charles Marie René Leconte de Lisle; 22 кастрычніка 1818, Сен-Поль, Рэюньён, Францыя — 18 ліпеня 1894) — француэскі паэт, тэарэтык мастацтва. Член Французскай акадэміі (з 1886).
Вучыўся ва ўніверсітэце г. Рэн. Кіраўнік літаратурнай групы «Парнас», якая прытрымлівалася прынцыпаў «мастацтва дpеля мастацтва», «аб’ектывізму». Удзельнік рэвалюцыі 1848 года ў Францыі, паражэнне якой абумовіла песімізм яго творчасці.
Аўтар паэтычных зборнікаў «Антычныя вершы» (1852), «Варварскія вершы» (1862), «Трагічныя вершы» (1884), «Апошнія вершы» (1895), трагедый «Эрыніі» (1873), «Апаланіда» (1888), памфлетаў. Яго творы адметныя моўнай і рытмічнай разнастайнасцю, насычаны культурнымі рэмінісцэнцыямі і алюзіямі.
На беларускую мову асобныя яго вершы пераклаў Юрка Гаўрук.