У Вікіпедыі ёсць артыкулы пра іншых асоб з прозвішчам Рулёва. Ларыса Ільінічна Рулёва (15 лютага 1952, Мінск) — беларускі тэатральны мастак.
Скончыла Беларускі тэатральна-мастацкі інстытут у 1975 годзе. 3 1980 года мастак, з 1993 года галоўны мастак Беларускага рэспубліканскага тэатра юнага гледача.
Член Беларускага саюза тэатральных дзеячаў з 1984 года.
Мастацкі густ, здольнасць дакладна адчуць стылістыку спектакля і зрабіць яго зрокавы вобраз выразным і відовішчным вызначаюць яе лепшыя работы. Сярод іх сцэнаграфія спектакляў: «Як гартавалася сталь» паводле М. Астроўскага (1981), «Нечаканыя госці» Э. Нізюрскага[en] (1988), «Падонкі» Я. Главацкага[ru] (1989), «Пінская шляхта» В. Дуніна-Марцінкевіча (1995), «Шчаслівыя жабракі» паводле К. Гоцы (1997), «Антыгона» паводле Ж. Ануя і Сафокла (1998). Чарадзейны свет з яркімі маляўнічымі фарбамі ўласцівы казачным пастаноўкам: «Бембі[ru]» паводле Ф. Зальтэна (1979), «Кот у ботах[ru]» паводле Ш. Перо (1981), «Рыгорка — Ясная зорка» А. Вярцінскага (1986), «Ноч на Івана Купалу» Ю. Куліка (1995), «Голы кароль» Я. Шварца (1996), «Ніхто не паверыць» паводле Я. Экхольма[ru] (1997), «Сястра мая русалачка» Л. Разумоўскай[ru] (1999), «Дарога на Віфлеем» С. Кавалёва (2000), «Рыцар сонца» П. Васючэнкі (2002).
Афармляла асобныя спектаклі ў тэатрах Масквы, Кіева, Кішынёва, Рыгі.