wd wp Пошук: ⬜

Кэндзо Тангэ

Кэндзо Тангэ (4 верасня 1913 — 22 сакавіка 2005) — японскі архітэктар. Адштурхоўваючыся ад традыцыйнай японскай эстэтыкі і структурных прынцыпаў, праектаваў у «інтэрнацыянальным стылі» (муніцыпалітэт Токіа, 1952-57) і стылі «хай-тэк» (штаб-кватэра Fuji Television, 1996).

Кіраваў перабудовай Хірасімы пасля бамбардзіровак 1945 года і стварэннем Парку міру. Сярод яго работ — каталіцкі сабор Найсвяцейшай Дзевы Марыі і Алімпійскі цэнтр (абодва — у Токіа, скончаны ў 1964 годзе). Адным з першых выкарыстаў перакрыцці-абалонкі: Алімпійскі цэнтр і сабор Святой Марыі ў Токіа, кангрэс-хол у прэфектуры Эхімэ.

З сярэдзіны 1960-х у цэнтры інтарэсаў Тангэ і яго архітэктарскія бюро — маштабная гарадская планіроўка (новы цэнтр Скоп’е пасля землетрасення, сталіца Нігерыі Абуджа, дзелавыя кварталы Балонні і Неапалю). Лаўрэат Прытцкераўскай прэміі (1987).

Праекты

Гатэль Grand Prince ў Акасацы, Токіа (1982)
Цэнтр OUB, Сінгапур (1986)
Плошча UOB, Сінгапур (1992)
Будынак Fuji Television у Адайбе, Токіа (1996)
Будынак прэфектруры ў Кагаве, Японія (2000)
Нацыянальны Банк Македоніі

Зноскі

↑ Arkitekter verksamma i Sverige — 2014.
1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
↑ Tange Kenzo // Encyclopædia Britannica Праверана 9 кастрычніка 2017.
↑ (unspecified title) Праверана 8 ліпеня 2019.

Літаратура

Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).