Ку́рына — вёска ў Курынскім сельсавеце Віцебскага раёна Віцебскай вобласці Беларусі. Цэнтр Курынскага сельсавета.
Вёска знаходзіцца за 29 км у напрамку на паўночны ўсход ад Віцебска на правым беразе Заходняй Дзвіны на аўтадарозе Р133 (Н2301) Віцебск — Сураж. Праз вёску працякае прыток Заходняй Дзвіны рака Кастаўлянка, якая выцякае з возера Кастаўе.
У пачатку XX стагоддзя ў вёсцы Курына Курынскай воласці Віцебскага павета пражывала 327 чалавек у 40 дварах. У вёсцы знаходзілася каменная царква святога Мікалая, пабудаваная ў 1824 годзе[1] (захаваліся руіны). У 1872 годзе М. Кусцінскі раскапаў каля вёскі 2 курганы[2].
У час Вялікай Айчыннай вайны вёска была спаленая нямецкімі захопнікамі.
У 1998 годзе ў вёсцы 117 двароў[3].
У Курына філіял ААТ «Віцебскі райаграпрамсервіс», сельская бібліятэка Віцебскай РЦБС, бальніца сястрынскага догляду.