У Вікіпедыі ёсць артыкулы пра іншых асоб з прозвішчам Эйнаровіч. Крыштаф (Францішак) Эйнаровіч (польск.: Krzysztof (Franciszek) Eynarowicz; 15 лютага 1664, Троцкае ваяводства — 22 красавіка 1714, Коўна) — святар, педагог.
Уступіў у Таварыства Ісуса 30 лістапада 1681 г. у Вільні. Выкладаў філасофію ў Варшаве (1698—1700), філасофію (1700—1703) і тэалогію (1703—1706) у Віленскай акадэміі. Рэктар калегіума ў Крожах (1706—1709). Рэгент Папскай семінарыі і прафесар палемічнай тэалогіі ў Браневе (1709—1710). З 1710 па 1713 гг. — рэктар Полацкага езуіцкага калегіума.
Аўтар панегірыка Archus triumphalis… Adalberti Stanislai Boguslawski (1698). Апублікаваў Conclusiones і пакінуў рукапісныя лекцыі па філасофіі[1].