wd wp Пошук:
    ⬜

    Крымская федэральная акруга

    Крымская федэральная акруга на карце Расіі.

    Крымская федэральная акруга (руск.: Крымский федеральный округ) — былая федэральная акруга Расійскай Федэрацыі[1], якая існавала з 21 сакавіка 2014[2] года па 28 ліпеня 2016 года[3].

    У склад акругі ўваходзілі два суб’екты федэрацыі: Рэспубліка Крым і горад федэральнага значэння Севастопаль. Размешчана на Крымскім паўвостраве. Па колькасці суб’ектаў, колькасці насельніцтва, памерах тэрыторыі, акруга з’яўлялася найменшай сярод федэральных акруг, саступаючы ўсім астатнім у некалькі разоў. З’яўлялася адзінай акругай-паўэксклавам, якая не мае сухапутнай мяжы з іншымі акругамі і асноўнай тэрыторыяй Расіі (але мае яе з іншай дзяржавай — Украінай).

    Адміністрацыйным цэнтрам акругі з’яўлялася сталіца Рэспублікі Крым горад Сімферопаль, нягледзячы на тое, што найбуйнейшым горадам Крыма і Крымскай федэральнай акругі з’яўляўся горад Севастопаль, што сярод федэральных акруг характэрна толькі для Паўночна-Каўказскай федэральнай акругі.

    Паўнамоцным прадстаўніком прэзідэнта Расійскай Федэрацыі ў Крымскай федэральнай акрузе ўвесь час яго існавання быў Алег Белавенцаў. 28 ліпеня 2016 года акруга была аб’яднана з Паўднёвай федэральная акругай.

    Большасць дзяржаў-членаў ААН, у тым лiку i Украіна, не прызнае далучэнне Крыма да Расіі.

    Склад акругі

    Крымская федэральная акруга
    Крымская федэральная акруга
    № Сцяг Суб'ект Федэрацыі Плошча
    (км2)    		 Насельніцтва Адміністрацыйны
    цэнтр
    1 Рэспубліка Крым 26081[4][5][6] 1 893 245 Сімферопаль
    2 Горад федэральнага значэння
    Севастопаль    		 1080[7][8] 380 725 Севастопаль

    Зноскі

    1. ↑ Гэты аб’ект размешчаны на тэрыторыі паўвострава Крым, большая частка якога кантралюецца Расіяй. Міжнародная супольнасць не прызнае ўключэнне Крыма ў склад Расіі і лічыць яго анексіяй часткі тэрыторыі Украіны (гл. Рэзалюцыю 68/262 Генеральнай Асамблеі ААН).
    2. ↑ Путин подписал указ об образовании КФО
    3. ↑ Путин объединил Южный и Крымский федеральные округа
    4. ↑ Рэспубліканскі камітэт па зямельных рэсурсах Рэспублікі Крым Архівавана 13 ліпеня 2014. // Рэспубліканская праграма выкарыстання і аховы зямель у Аўтаномнай Рэспубліцы Крым на 2010-2015 гады Архівавана 15 ліпеня 2014.
    5. ↑ Інформаційно-довідковий сайт Україна: Територія України; таксама: Служба статыстыкі Рэспублікі Крым Архівавана 13 чэрвеня 2014.
    6. ↑ Рэспубліка Крым на сайце Савета Федэрацыі РФ
    7. ↑ у тым ліку суша — 864 км2, марская акваторыя — 216. км2 (Севастопаль на сайце Савета Федэрацыі РФ)
    8. ↑ Плошча тэрыторыі рэгіену (горада федэральнага значэння Севастопаль) складае 1079,6 км2, у тым ліку 216,0 км2 марскіх бухт, якія з’яўляюцца тэрытарыяльнымі водамі, а таксама 863,6 км2 сушы (Управління статыстыкі ў м. Севастополі Архівавана 10 лютага 2015.)

    Спасылкі

    Тэмы гэтай старонкі (2):
    Катэгорыя·Вікіпедыя·Шаблон «Вонкавыя спасылкі» пусты
    Катэгорыя·Федэральныя акругі Расіі