Крымск[2] (руск.: Крымск) — горад (з 1958 года) у Расіі, адміністрацыйны цэнтр Крымскага раёна Краснадарскага края. Насельніцтва 56,5 тыс. чалавек (2007). Заснаваны ў 1862 годзе.
Горад размешчаны на беразе невялікай ракі Адагум (левы прыток Кубані ў перадгор’ях заходняй часткі Галоўнага Каўказскага хрыбта), за 87 км ад Краснадара. Вузлавая чыгуначная станцыя (Крымская) Паўночна-Каўказскай чыгункі на лініі Краснадар—Новарасійск, адгалінаванні на станцыі Каўказ (паром на Керч), Анапу, Цімашоўск.
Харчовая прамысловасць: кансервавы камбінат, вінны, малочны заводы і г. д., камбікормавы завод, вытворчасць будматэрыялаў.