Крапінец звычайны[3] (Polygala vulgaris) — від кветкавых раслін роду Крапінец (Polygala) сямейства Крапінцовыя (Polygalaceae).
У Скандынавіі мела назву «валасы Фрэі» да прыняцця хрысціянства[4].
Беларускія назвы: крапінец звычайны, зязюльчыны ручнікі[5], крапінец, надсаднік[6].
Трава вышынёй да 25 см. Сцяблы паўзучыя і прыўзнятыя. Лісце дробнае, простае. суцэльнае, сядзячае, чаргаванае. Плод — каробачка.
Расце ў Еўропе, у Азіі да Японіі і ў ЗША.
Дэкаратыўная расліна. На Каўказе маладое лісце і сцеблы ўжываюць для свежых салатаў[7].