Конскі каштан звычайны[3], Каштан конскі[4], Каштан[5] (Aesculus hippocastanum) — лістападнае дрэва падсямейства конскакаштанавых.
Вышыня да 15-30 м. Крона раскідзістая. Лісце пальчатаскладанае, на доўгіх чараньках. Кветкі белыя, у прамастойных пірамідальных суквеццях. Плод — каробачка, пакрытая калючкамі. Садовыя формы адрозніваюцца сілуэтам кроны, афарбоўкай лісця і кветак.
Радзіма Балканскі паўвостраў.
На Беларусі конскі каштан інтрадукаваны, выкарыстоўваецца на азеляненне гарадоў і пасёлкаў. Цвіце ў маі-чэрвені.
Кара, кветкі і плады ўжываюцца ў лекавых мэтах.