.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Клемент Этлі (англ.: Clement Attlee; 3 студзеня 1883, Лондан — 8 кастрычніка 1967) — дзяржаўны і палітычны дзеяч Вялікабрытаніі, 63-і прэм’ер-міністр. Належаў да Лейбарысцкай партыі. Граф (1955).
Вучыўся ў Оксфардскім універсітэце, юрыст. 3 1907 года ў Фабіянскім таварыстве, з 1908 года ў Незалежнай рабочай партыі (у складзе Лейбарысцкай партыі Вялікабрытаніі). У 1922—1955 гадах член Палаты абшчын парламента ад Лейбарысцкай партыі (у 1935—1955 гадах лідар партыі). Член лейбарысцкіх урадаў 1924 і 1929—1931 гадоў. лорд-хавальнік дзяржаўнай пячаткі (1940—1942), нам. прэм’ер-міністра, міністр па справах да-мініёнаў і лорд-старшыня Савета кааліцыйнага ўрада У. Чэрчыля (1942—1945). Прэм’ер-міністр (1945—1951), адначасова міністр абароны (1945—1946). Удзельнік Патсдамскай канферэнцыі 1945 года. Урад К. Этлі нацыяналізаваў Англійскі банк, чыгункі, грамадзянскую авіяцыю, сувязь, некаторыя галіны прамысловасці, зрабіў захады па паляпшэнні сістэмы сацыяльнага страхавання, асветы і аховы здароўя, надаў незалежнасць Індыі (1947), якая паводле плана Маўнтбетэна падзелена на дамініёны (Індыйскі саюз і Пакістан), Бірме (1948), актыўна ўдзельнічаў у рэалізацыі плана Маршала, стварэнні блока НАТА (1949), накіраваў брытанскія войскі для ўдзелу ў карэйскай вайне 1950—1953 гадоў.