Не блытаць з ліванскай партыяй «Хезбала».
Катаіб Хезбала (з араб. كتائب حزب الله — Брыгада партыi Алаха) — шыiцкая ваенізаваная групоўка, якая дзейнічае на тэрыторыі Ірака і Сірыі. Гэтая групоўка, якая з’яўляецца часткай так званых спецыяльных груп — праіранскіх шыіцкіх фарміраванняў у Іраку, актыўна ўдзельнічала ў баях супраць міжнароднай кааліцыі на чале з ЗША падчас Іракскай вайны (2003—2011). Групоўка адной з першых стала выкладваць свае атакі і іх відэазапіс у Інтэрнэт. Яна таксама актыўна ўдзельнічае ў грамадзянскай вайне ў Сірыі, дзе ваюе з суніцкімі паўстанцамі на баку ўрада Башара Асада. Па дадзеных амерыканскіх назіральнікаў, групоўка атрымлівае фінансаванне ад Ірана, і канкрэтна, ад спецпадраздзялення КВІР Кодс, якое таксама і трэніруе яе байцоў.
31 снежня 2019 года, пасля авiяўдараў ВПС ЗША па пазiцыях групоўкi, яе прыхiльнiкi напалi на амерыканскае пасольства ў Багдадзе.