wd wp Пошук: ⬜

Канстанцін Міхайлавіч Галкоўскі

У Вікіпедыі ёсць артыкулы пра іншых асоб з прозвішчам Галкоўскі.

Канстанцін Міхайлавіч Галкоўскі (літ.: Kostantinas Galkauskas; 16 чэрвеня 1875, Вільня — 20 лютага 1963, Вільнюс) — літоўскі і беларускі кампазітар , дырыжор і педагог. Народны артыст ЛітССР (1955)[1].

Біяграфія

Паводле паходжання беларус. Бацька яго паходзіў з Магілёўшчыны, а маці — з Міншчыны. Скончыў Пецярбургскую кансерваторыю (1908)[1], вучань М. Рымскага-Корсакава, А. Глазунова, А. Лядава. Яго дыпломнай працай была трохактовая опера «Цыганы» па паэме А. Пушкіна. За гэтую дыпломную працу, як прыгадваў Рыгор Шырма, Канстанціну Галкоўскаму педагагічная рада кансерваторыі ў 1908 годзе прысудзіла залаты медаль. З 1908 года на педагагічнай працы, з 1945 года ў кансерваторыі[1]. Прафесар Літоўскай кансерваторыі.

Па вайне кантактаваў з тымі са старэйшага пакалення беларусаў, хто жыў у Вільні і не быў рэпрэсаваны. З Беларусі часта да яго заязджалі Максім Танк, Рыгор Шырма. У 1959 годзе ў яго гасціў беларускі пісьменнік і перакладчык Алесь Траяноўскі.

Творчасць

Аўтар многіх твораў заснаваных на беларускім фальклоры, музыкі рамансаў і хораў на вершы беларускіх паэтаў Ф. Багушэвіча, Я. Купалы, Я. Коласа, М. Танка, Зм. Бядулі, К. Буйло, апрацовак народных песень і народных харавых сюіт «Дуда» і «Каханне» (апошняя з сімфанічным аркестрам)[1].

Апрацоўкі і арыгінальныя хары Галкоўскага ўваходзяць у рэпертуар Дзяржаўнай харавой капэлы БССР [1].

Зноскі

1 2 3 4 5 Галковский (Галкаускас) Константин Михайлович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 135. — 737 с.

Літаратура

Луцкевіч Л., Войцік Г. Канстаньцін Галкоўскі. — Вільня: Рунь, 2001.
Календарыюм // «Czasopis» № 02/2003.
Галко́ўскі Канстанцін Міхайлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 204. — 800 с. — 5 000 экз. — ISBN 985-11-0026-9.

Спасылкі

Галкоўскі (Галкаўскас) Канстанцін Міхайлавіч на сайце анлайн-энцыклапедыі «Беларусь у асобах і падзеях»
На Вікісховішчы ёсць медыяфайлы па тэме Канстанцін Міхайлавіч Галкоўскі