У Вікіпедыі ёсць артыкулы пра іншых асоб з прозвішчам Зубкова.
Зінаіда Пятроўна Зубкова (нар. 3 лістапада 1938, Ульянаўка, Тосненскі раён, Ленінградская вобласць) — беларуская актрыса. Народная артыстка Беларусі (2013). Лаўрэат Дзяржаўнай прэміі БССР (1984).
Скончыла акцёрскі факультэт Беларускага тэатральна-мастацкага інстытута (1960) па спецыяльнасці «Актрыса драматычнага тэатра» (курс Народнага артыста БССР К. М. Саннікава). З 1960 года працуе ў Купалаўскім тэатры.
У 2020 годзе засталася сярод 13 акцёраў трупы, якія не сышлі ў жніўні з тэатра ў знак пратэсту супраць фальсіфікацыі прэзідэнцкіх выбараў, жорсткага разгону пратэстоўцаў, катаванняў затрыманых, ціску на тэатр і звальнення дырэктара Паўла Латушкі[2].