Зыгмунт Пуслоўскі (польск.: Zygmunt Pusłowski; 17 снежня 1848, Альбярцін ля Слоніма — 3 сакавіка 1913) — польскі калекцыянер, мецэнат.
Паходзіў са заможнага шляхецкага роду Пуслоўскіх герба «Шэліга». Нарадзіўся ў сям’і віленскага маршалка Уладзіслава Пуслоўскага і Генавефы з Друцкіх-Любецкіх.
Атрымаў у хатніх умовах еўрапейскую адукацыю і выхаванне. У сваіх палацах у Кракаве і Чаркове збіраў з канца 1880-х гадоў вялікую калекцыю (рукапісныя кнігі, старадрукі, габелены, парча, мініяцюры, жывапіс, графіка). Творы скупляў і замаўляў. Ян Матэйка выканаў для яго тры партрэты. Зборы часткова ўвайшлі ў музей Кракаўскага ўніверсітэта.