Зве́раўшчына[1] (трансліт.: Zvieraŭščyna, руск.: Зверовщина) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчана за 32 км на паўночны захад ад Баранавіч, за 10 км ад чыгуначнай станцыі Палонка на лініі Баранавічы—Ваўкавыск.
Па пісьмовых крыніцх вядома з 16 стагоддзя. У 1599 годзе фальварак і вёска ў Слонімскім павеце ВКЛ.
У 1886 годзе вёска ў Люшнеўскай воласці Слонімскага павета Мінскай губерні, працавала школа.
З 1921 года ў складзе Польшчы.
У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінула 30 вяскоўцаў.
Да 22 сакавіка 1962 года вёска ўваходзіла ў склад Палонкаўскага сельсавета[2], да 18 сакавіка 1985 года — у склад Перхавіцкага сельсавета[3].