wd wp Пошук: ⬜

Званец

У гэтага паняцця ёсць і іншыя значэнні, гл. Званец (значэнні).

Зване́ц[3][4] (Rhinánthus) — род кветкавых раслін сямейства Заразіхавыя.

Батанічнае апісанне

Аднагадовыя травяністыя расліны з прамымі, простымі або галінастымі сцёбламі вышынёй да 60 см. Лісце простае, суцэльнае, сядзячае, супраціўнае, прылісткаў не мае. Кветкі двухгубыя, на кароткіх кветаножках, у гронкападобных суквеццях. Колер кветак звычайна жоўты. Плод — сухая двухстворкавая каробачка.

Асаблівасці біялогіі

Раслінам роду ўласцівы сезонны дымарфізм. З’яўляюцца паўпаразітамі — утвараюць прысоскі (гаўсторыі), якімі прысмоктваюцца да каранёў злакаў. Сярод раслін роду ёсць лекавыя, ядавітыя і пустазельныя. Растуць на палях, лугах, пры дарогах.

Распаўсюджанне і віды

Род налічвае каля 50[4] відаў (34 віды[5]). Распаўсюджаны ва ўмераных зонах Еўразіі і Паўночнай Амерыкі. На тэрыторыі Беларусі 6 відаў: званец летні (Rhinanthus aestivalis), званец малы (Rhinanthus minor), званец бяскрылы (Rhinanthus apterus), званец позні (Rhinanthus serotinus), званец вясенні (Rhinanthus vernalis), званец чарнеючы (Rhinanthus nigricans)[4].

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 110. — 160 с. — 2 350 экз.
1 2 3 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата.
↑ Rhinanthus(англ.) // The Plant List

Літаратура

Званец // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8. — С. 26.

Спасылкі

Погремок — род Rhinanthus: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Rhinanthus(англ.) // The Plant List