Заранка
Не блытаць з «Заранкай» — заходнебеларускім ілюстраваным дзіцячым часопісам. Не блытаць з Сяргеем Канстанцінавічам Заранкам — расійскім жывапісцам-партрэтыстам.
Заранка, таксама Малінаўка (Erithacus rubecula) — птушка атраду вераб’інападобных.
Апісанне
Даўжыня 14—16 см, маса 16—20 г. Апярэнне мяккае, рыхлае. У дарослых спіна, крылы і хвост аліўкава-шэрыя, брушка белае, лоб, шчокі, гарляк і грудзі цагляна-рыжыя. Маладыя птушкі зверху цёмна-бурыя, з вохрыстымі стракацінамі, бруха жаўтавата-вохрыстае з цёмнымі крапінамі.
Пашырэнне
Пашырана ў Еўропе, Паўночна-Заходняй Афрыцы, Малой Азіі, цэнтральных абласцях Заходняй Сібіры, на Каўказе. Жыве ў мяшаных і хвойных лясах, садах і парках.
Пералётны від. Зімуе на поўдні Егіпта, у Заходняй Еўропе, Малой Азіі, на захадзе Пакістана.
Заранка была ў 1992 годзе птушкай года ў Германіі.
Асаблівасці біялогіі
Гнёзды будуе з сухога лісця, травы, поўсці і іншага ў шчылінах ствалоў, на зямлі. Нясе 6—7 яец двойчы за год. Корміцца пераважна насякомымі.
Літаратура
- Заранка // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава. — 576 с. — 10 000 экз. — ISBN 985-11-0106-0 (т. 6), ISBN 985-11-0035-8. — С. 537.
Спасылкі
На Вікісховішчы ёсць медыяфайлы па тэме Заранка
Вікіпедыя:Артыкулы з пераазначэннем значэння з Вікідадзеных
Жывёлы паводле алфавіта
Вікіпедыя:Спасылкі на Беларускую энцыклапедыю без нумароў старонак
Жывёлы, апісаныя ў 1758 годзе
Мухалоўкавыя
Вікіпедыя:Спасылкі на Беларускую энцыклапедыю без назвы артыкула
Птушкі Еўразіі
Віды па-за небяспекай
Вікіпедыя:Спасылкі на Беларускую энцыклапедыю без аўтара