Задашчэ́нне[1] (трансліт.: Zadaščennie, руск.: Задощенье) — вёска ў Пухавіцкім раёне Мінскай вобласці. Уваходзіць у склад Шацкага сельсавета.
Знаходзіцца за 35 км на паўднёвы захад ад раённага цэнтра і чыгуначнай станцыі Пухавічы на лініі Мінск—Асіповічы.
У 1816 г. уласнасць Аскеркаў.
Паводле перапісу 1897 г. дзейнічала царква і хлебазапасны магазін.
На пачатку 20 ст. уяўляла сабою шматлюдную вёску Шацкай воласці Ігуменскім павеце Мінскай губерні.
Паводле перапісу 1917 г. побач знаходзіліся тры вёскі: Задашчэнне-1, 46 двароў, 236 жыхароў; Задашчэнне-2, 94 двароў, 522 жыхары; Задашчэнне-3, 34 двары, 173 жыхары.
У Першую сусветную вайну ў лютым — снежні 1918 года Забалоцце была пад акупацыяй войскаў кайзераўскай Германіі.
25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.
У 1918 г. адкрылася працоўная школа 1-й ступені, у якой на 1922 г. было 30 вучняў.
У жніўні 1919 — ліпені 1920 вёска знаходзілася пад польскай уладай.
З 20.08.1924 да 16.07.1954 г. цэнтр Задашчэнскага сельсавета, у 1954—1960 гадах у складзе Слабадскога сельсавета, з 1 красавіка 1960 года ў складзе Шацкага сельсавета[2].
На пачатку 1930-ых гг. праведзена калектывізацыя
На 1933 г. быў калгас «Асілак», працавала кузня і ганчарны завод.
У часе Другой сусветнай вайны з канца чэрвеня 1941 г. да 3 ліпеня 1944 г. акупіравана нямецкімі войскамі. Загінула 300 жыхароў.